• 11-04-2022
    "მილანი" და "ნაპოლი" ქულებს კარგავენ- ბრძოლა დაძაბულია
    "მილანი" და "ნაპოლი" ქულებს კარგავენ- ბრძოლა დაძაბულია

    იტალიის ჩემპიონატში სატურნირო ვითარება მეტად დაძაბულია. 32-ე ტურში ცხრილის ლიდერი, "მილანი" "ტორინოს" ესტუმრა და დაძაბულ ბრძოლაში ქულები დაკარგა. გუნდებმა საგოლე მომენტები ვერ გამოიყენეს და მატჩი 0-0 დასრულდა. რაც შეეხება "ნაპოლის," მან "ფიორენტინას" უმასპინძლა და მძიმე ბრძოლაში 2-3 დამარცხდა. სამაგიეროდ, "ნერაძური" მოწოდების სიმაღლეზე იყო და "სან-სიროზე" "ვერონას" წინააღმდეგ დამაჯერებელი გამარჯვება, ანგარიშით 2-0 მოიპოვა.


    სერია აში სატურნირო მდგომარეობა შემდეგნაირია: მიუხედავად იმისა, რომ ჩემპიონატს "როსონერი" ლიდერობს 68 ქულით, "ინტერს" აქტივში ერთი გამოტოვებული შეხვედრა აქვს "ბოლონიასთან," რომელიც 27 აპრილს შედგება. "ნაპოლის" "ნერაძურის" მსგავსად 66 ქულა აქვს და მესამე ადგილს იკავებს. რაც შეეხება, "იუვენტუსს," ის 62 ქულით მეოთხეა.


    მომდევნო ტურს სწორედ "ინტერი" 15 აპრილს "სპეციას" წინააღმდეგ გახსნის, მეორე მილანური გუნდის თამაშიც ამავე დღესაა ჩანიშნული. "როსონერი" შინ "ჯენოას" დაუხვდება. "ბებერი ქალბატონი" 33-ე ტურში "ბოლონიას" უმასპინძლებს, ხოლო "ნაპოლი"  "რომას."

    Facebook კომენტარები