FootMercato-ს ინფორმაციით, ფრანგული "ნიცა" დორტმუნდის "ბორუსიას" იუსუფა მუკოკოს ერთწლიანი იჯარის თაობაზე შეუთანხმდა.

გერმანელი შემტევი საფრანგეთში ხვალ ჩაფრინდება, შემდეგ კი სამედიცინო შემოწმებას გაივლის. ადრე გავრცელებული ცნობების თანახმად, ზღვისპირელები იუსუფას გამოსყიდვის უფლებასაც მიიღებენ.

მას მერე, რაც ტერემ მორფიმ ჯვარედინი მყესები გაიწყვიტა ხოლო გაეტან ლაბორდეც რამდენიმე თვით აღმოჩნდა ლაზარეთში, "ნიცას" თავდამსხმელის დამატების სასიცოცხლო საჭიროება გაუჩნდა. იუსუფას ტრანსფერიც სწორედ ამას უნდა მივაწეროთ.

მუკოკოთი სხვა ფრანგული კლუბებიც იყვნენ დაინტერესებულნი, კერძოდ, "რომა" და "რეიმსი".

აქვე გეტყვით, რომ 19 წლის შემტევს "ბორუსიასთან" კონტრაქტი 2026 წლის ივლისამდე აკავშირებს.