• 14-03-2024
    გრიზმანმა სანჩესს შეურაცხყოფის გამო მოუბოდიშა
    გრიზმანმა სანჩესს შეურაცხყოფის გამო მოუბოდიშა

    მადრიდის "ატლეტიკოსა" და მილანის "ინტერის" მერვედფინალური დაპირისპირების დასასრული უაღრესად დაძაბული გამოდგა, რამეთი მეოთხედფინალში გამსვლელი გუნდი პენალტების სერიის შედეგად გაირკვა.

    მასპინძელთა მხრიდან ერთადერთი თერთმეტმეტრიანი საულ ნიგესმა გააფუჭა, "ნერაძურიში" კი მიზანმა ალექსის სანჩესს, დევი კლაასენსა და ლაუტარო მარტინესს უმტყუვნათ.

    საინტერესო იყო "როხიბლანკოს" ფრანგი ვარსკვლავის, ანტუან გრიზმანის რეაქცია სანჩესის გაცუდებულ პენალტზე. Movistar+ის კამერებმა დააფიქსირეს, რომ ანტუანი, რომელიც იმ დროისთვის მოედნიდან უკვე გასული იყო, 32 წლის თავდამსხმელს შეურაცხყოფას აყენებდა.

    "მშიშარა! ჩილელი მშიშარაა!" - გაჰყვიროდა ანტუანი.

    Marca-ს ინფორმაციით, მოგვიანებით გრიზმანი სანჩესს დაუკავშირდა და ბოდიში მოუხადა. ფრანგმა ჩილელს აუხსნა, რომ მისი სიტყვები მხოლოდ იან ობლაკის მოტივირებას ემსახურებოდა და ალექსისის შეურაცხყოფა მას ფიქრადაც კი არ გაუვლია.

    "ინტერნაციონალეს" ვეტერანმა შემტევმა ბოდიში მიიღო, ახლა კი ყველანაირი უსიამოვნება ამოწურულია.

    Facebook კომენტარები