ლევერკუზენის "ბაიერის" მთავარმა მწვრთნელმა, ჩაბი ალონსომ ევროპა ლიგის მიმდინარე გათამაშების მთავარი ფავორიტი დაასახელა.
"ჩემთვის ეს ძალზედ ნათელია. "ლივერპულს" ევროპა ლიგის მოგების ყველაზე რეალურ კანდიდატად ვხედავ," - განაცხადა ესპანელმა სპეციალისტმა მეოთხედფინალური ეტაპის წილისყრის წინ.
შეგახსენებთ, რომ "ფარმაცევტები" მეოთხედფინალში აზერბაიჯანული "ყარაბაღის" ძლევით გავიდნენ. "ბაი არენაზე" გამართულ საპასუხო მატჩს მასპინძლები ორბურთიანი სხვაობით აგებდნენ, თუმცა 10 კაცით დარჩენილ მეტოქეს 3 უპასუხო გოლი გაუტანეს და შემდეგ ეტაპზე დრამატული ქამბექის წყალობით გავიდნენ.
რაც შეეხება "ლივერპულს", პრაღის "სპარტას" მათ ორი მატჩის ჯამში 11:2 მოუგეს.
დღევანდელმა წილისყრამ გაარკვია, რომ "ლევერკუზენისა" და "ლივერპულის" გზები ფინალამდე არ გადაიყრება. მეოთხედფინალში ალონსოს გუნდი "ვესტ ჰემს" შეხვდება, იურგენ კლოპის კოლექტივი კი - "ატალანტას".
ცნობისთვის, 42 წლის სპეციალისტს მერსესაიდში სწორედ კლოპოს პოტენციურ შემცვლელად განიხილავენ, თუმცა ჩაბის გადაბირებასთან მიუნხენის "ბაიერნი" გაცილებით ახლოსაა.