• 14-04-2022
    "ბარსელონა" ალბას შემცვლელის ძიებას აგრძელებს
    "ბარსელონა" ალბას შემცვლელის ძიებას აგრძელებს

    ზაფხულში "ბარსელონას" ერთ-ერთი უმთავრესი მიზანი რომ მარცხენა მცველის დამატება იქნება, ამის შესახებ უკვე რამდენჯერმე დაიწერა.


    შესანიშნავ ფორმაში და ასაკში მყოფ ჟორდი ალბას კონკურენტი სჭირდება, კატალონიელები კი მას აქტიურად ეძებენ.


    "ლურჯ-ბროწეულისფერთ" უკვე დაუკავშირეს ისეთი ფეხბურთელები, როგორებიც ხოსე გაია, ალეხანდრო გრიმალდო, სერხიო რეგილონი და ანხელინიო არიან, თუმცა დღეს ახალ სამიზნეთა შესახებ შევიტყვეთ.


    პირველი ლონდონის "ჩელსის" ესპანელი ფლანგელი, მარკოს ალონსოა. მას "არისტოკრატებთან" კონტრაქტი 2023 წელს ეწურება, ამიტომ სულაც არაა გამორიცხული, კლუბმა მომდევნო ზაფხულსვე გაყიდოს. სხვათა შორის, "ლურჯების" ფეხბურთელის დამატებას "ბარსა" წინა წელსაც აპირებდა, მაგრამ ლონდონური კლუბისგან წინააღმდეგობას წააწყდა.


    რაც შეეხება მეორე კანდიდატს, ის მიუნხენგლადბახის "ბორუსიას" რამი ბენსენბაინი გახლავთ. 26 წლის ფეხბურთელით დაინტერესებულია "ბორუსია დორტმუნდიც", ამიტომ კატალონიელებს დიდ კონკურენციაში შესვლა მოუწევთ. რამის გამოსასყიდ თანხად 20 მილიონი ევრო სახელდება.


    აქვე გეტყვით, რომ ალონსომ მიმდინარე სეზონში 37 მატჩი ჩაატარა, 3 გოლი გაიტანა და 4 ასისტი გააკეთა, ხოლო ბენსენბაინის სტატისტიკა შემდეგნაირია: 19 მატჩი, 5 გოლი, 2 ასისტი.


    Facebook კომენტარები