ცნობილმა იტალიურმა გამოცემა "Corriere della Sera"-მა "მეცის" შემტევზე გიორგი მიქაუტაძეზე ახალი ინფორმაცია გაავრცელა.

წყაროს ცნობით, ქართველი შემტევის გადაბირებით სერია ა-ს გრანდია დაინტერესბული.

საუბარია ტურინის "იუვენტუსზე", რომლის ახალი სპორატული დირექტორის, კრისტიანო ჯუნტოლი თვალთახედვის არეალში სწორედ 22 წლის თავდამსხმელი მოექცა.

როგორც ირკვევა, იმის შანსი, რომ "ბებერი ქალბატონის" რიგები დუშან ვლაჰოვიჩმა დატოვოს, საკმაოდ მაღალია და ბუნებრივია, იტალიელები მის შემცვლელს ეძებენ.

სერბი ფორვარდის ერთ-ერთ შემცვლელად, გარდა მიქაუტაძისა, "ლილის" შემტევი ჯონათან დავიდი და "ატალანტას" თავდამსხმელი რასმუს ჰოილუნდიც განიხილება.

აქვე გეტყვით, რომ გიორგის "მეცთან" კონტრაქტი 2026 წლამდე აკავშირებს. გასულ სეზონში კი მან ლიგა 2-ში 23 გოლთან ერთად, 8 ასისტი მიითვალა.