• 14-05-2022
    როგორ ეცდება "ბარსელონა" კულიბალის ხელში ჩაგდებას
    როგორ ეცდება "ბარსელონა" კულიბალის ხელში ჩაგდებას

    იტალიური "ნაპოლის" ცენტრალური მცველი, კალიდუ კულიბალი "ბარსელონას" ერთ-ერთ სატრანსფერო სამიზნედ ითვლება.


    სენეგალელი უკანახაზელის ტრანსფერს "ბლაუგრანას" თავკაცი, ჩავი ერნანდესი აქტიურად ითხოვს. "მაესტროს" დაცვის ცენტრის გაძლიერება პრიორიტეტულ ამოცანად მიაჩნია, ამისათვის კი კალიდუ შესანიშნავი კანდიდატი გახლავთ.


    რაც შეეხება იმას, თუ როგორ აპირებენ "ლურჯ-ბროწეულისფერნი" კულიბალის ხელში ჩაგდებას, ამაზე დღეს ორი ინფორმაცია გავრცელდა.


    პირველად Diario SPORT გამოირჩა, რომელმაც გვამცნო, რომ "ბარსა" "ნაპოლისთან" ბარტერის გაჩარხვას ეცდება, თუმცა ის, თუ ვინ იქნება "ბლაუგრანადან" გაცვლაში ჩართული, ჯერ უცნობია.


    "ბარსელონა" კულიბალიში 30 მილიონ ევროს გადაიხდის, - ეს კი Sky Italia-ს მიერ მოწოდებული ცნობაა.


    აქვე გეტყვით, რომ სენეგალელს "ნაპოლისთან" კონტრაქტი 2023 წლამდე აკავშირებს.


    მიმდინარე სეზონში კალიდუმ 32 მატჩში მიიღო მონაწილეობა. 30 წლის ფეხბურთელმა 3 გოლითა და 2 ასისტით გამოიჩინა თავი.

    Facebook კომენტარები