"პსვ ეინდოჰოვენი" სერჟინიო დესტის ტრანსფერის დახურვას ცდილობს, - იუწყება მატეო მორეტო.

ნიდერლანდურ კლუბს "ბარსელონასთან" შეთანხმება რაც შეიძლება მალე უნდა.

"პსვ-მ" უნდა იჩქაროს, რადგან სერჟინიოთი სხვა კლუბიცაა დაინტერესებული. Relevo-ს ჟურნალისტის ინფორმაციით, უკანასკნელ საათებში ამერიკელს "ნიცადან" დაუკავშირდნენ.

ფრანგული გუნდი 23 წლის მარჯვენა მცველის გადაბირებას ასევე ლამობს.

ცხადია, "ბარსას" დესტის გაყიდვა ურჩევნია, მაგრამ, დიდი ალბათობით, კლუბი მას იჯარით გაუშვებს.