მადრიდის "ატლეტიკოს" პრეზიდენტმა, ენრიკე სერესომ "ბარსელონაში" განათხოვრებული პორტუგალიელი თავდამსხმელის, ჟოაუ ფელიქსის შესახებ ისაუბრა.

"ჟოაუ ფელიქსი? ჟოაუ "ბარსას" იჯარის წესით შეუერთდა, იქ თამაშობს და ევროპაში ერთ-ერთი საუკეთესოა.

თუ მომდევნო წელს "ბარსელონას" მისი შენარჩუნება არ მოუნდება, "ატლეტიკოში" დაბრუნდება. ძალიან მარტივია, არა?"- თქვა სერესომ.

შეგახსენებთ, რომ 24 წლის თავდამსხმელი "ბლაუგრანაში" მშრალი იჯარითაა გაშვებული. მოარული ხმების თანახმად, მისი გამოსყიდვა კატალონიურ გრანდს 70-80 მილიონი ევრო დაუჯდება.

ფელიქსი მადრიდის "ატლეტიკოს" დღეს დაუპირისპირდება. მატჩი თბილისის დროით 23:55 საათზე დაიწყება.