"ბარსელონას" ახალგაზრდა ნახევარმცველმა, პედრი გონსალესმა Marca-ს ვრცელი ინტერვიუ მისცა, სადაც მოახლოვებული მსოფლიომ ჩემპიონატის შესახებაც ისაუბრა.

"ბლაუგრანას" რვიანს ჰკითხეს, თუ რომელ ფეხბურთელთან ისურვებდა მაისურის გაცვლას მუნდიალზე.

ამ შეკითხვას პედრიმ შემდეგნაირად უპასუხა:

"დავასახელებდი ნეიმარს, რადგან ის ძალიან მაღალი დონის ფეხბურთელია და ბურთით იმას აკეთებს, რაც სურს.

ნეიმარის მაისურის მიღების შანსი არასდროს მომცემია," - თქვა გონსალესმა.

სხვათა შორის, იმ შემთხვევაში, თუ ესპანეთიც და ბრაზილიაც თავიანთ ჯგუფებს მოიგებენ და მერვედფინალურ ეტაპს გადალახავენ, მეოთხედფინალში ისინი სწორედ ერთმანეთს დაუპირისპირდებიან.

მაშასადამე, პედრის სურვილის ასრულების შანსი არც ისე მცირეა.