ჩავი ერნანდესი "სევილიასთან" მატჩში ჟიულ კუნდეს აქტიურად დააკვირდება, - იტყობინება SPORT.

წყაროს თანახმად, "ბარსას" თავკაცს ფრანგი მცველი ძალიან მოსწონს და მისი თავის გუნდში ხილვა სურს.

მიუხედავად ამისა, "ლურჯ-ბროწეულისფერთა" უფროსობამ ისიც კარგად იცის, რომ "დალაქები" კუნდეს სანაცვლოდ დიდ თანხას მოითხოვენ.

23 წლის ფეხბურთელი Transfermarkt.com-ზე 60 მილიონ ევროდაა შეფასებული, თუმცა ამ ფასმა შეიძლება 80 მილიონსაც უწიოს.

შეგახსენებთ, რომ კუნდეს შეუძლია როგორც ცენტრალურ, ასევე მარჯვენა მცველად თამაში.

მიმდინარე სეზონში ჟიულმა 35 მატჩში მიიღო მონაწილეობა, გაიტანა 1 გოლი და გააკეთა 1 ასისტი. მას ასევე უკავშირებენ ლონდონის "ჩელსისაც".