• 21-06-2023
    "არავინ იცის, რა მოხდებოდა მსაჯს საკუთარი საქმე დროულად რომ შეესრულებინა" - ვილი სანიოლმა მატჩის შემდეგ ისაუბრა
    "არავინ იცის, რა მოხდებოდა მსაჯს საკუთარი საქმე დროულად რომ შეესრულებინა" - ვილი სანიოლმა მატჩის შემდეგ ისაუბრა

    მოგეხსენებათ, რომ ევრო 2024-ის შესარჩევ ციკლში, A ჯგუფში შოტლანდიის ეროვნულმა ნაკრებმა „ჰემპდენ პარკზე“ საქართველო 2:0 დაამარცხა. სტადიონზე მატჩისთვის საუკეთესო პირობები არ ყოფილა რაც წვიმამ გამოიწვია, ამასთან და ზოგადად შეხვედრასთან დაკავშირებით ქართველთა თავკაცმა, ვილი სანიოლმა ისაუბრა:

    "ასეთ ვითარებაში ყოფნა არავის სურდა. ნებისმიერ გადაწყვეტილებას ექნებოდა გარკვეული გამოხმაურება, თუმცა ვერ ვხვდებით თამაში საერთოდ რატომ დაიწყო. რამდენიმე წამში გამოჩნდა, რომ ფეხბურთის თამაში შეუძლებელი იყო. მსაჯმა შეხვედრა გოლის შემდეგ შეაჩერა და ამის გამო წნეხის ქვეშ მოიქცია თავი. შოტლანდიის ნაკრების მწვრთნელთან ჯერ კიდევ გოლამდე შევთანხმდით, რომ ასეთ მოედანზე თამაში რთული იქნებოდა"

    "თამაში განვაახლეთ და ერთადერთი რამ, რაზეც გული მწყდება, კომუნიკაციის ნაკლებობაა. არანაირი ახსნა არ მიმიღია, მხოლოდ ლოდინი მოგვიწია. ერთადერთი რამ, რასაც ვითხოვდით, კომუნიკაცია იყო, რადგან ფეხბურთელებისთვის უნდა აგვეხსნა, თუ რა ხდებოდა. მოთამაშეები რთულ მდგომარეობაში აღმოჩნდნენ, რამდენჯერმე მოუწიათ მოედანზე გასვლა და გასახდელში დაბრუნება. ფეხბურთი მეტ პატივისცემას იმსახურებს"

    "არავინ იცის, რა მოხდებოდა მსაჯს საკუთარი საქმე დროულად რომ შეესრულებინა, თამაში პირველ გოლამდე რომ შეჩერებულიყო, უფრო ჯანსაღ ატმოსფეროს მივიღებდით. მოთამაშეები ფეხბურთის სათამაშოდ ემზადებიან და არა მსგავსი სიტუაციებისთვის. ასეთ დროს ტრავმის მიღების ალბათობა დიდია, თუმცა საბედნიეროდ არავინ დაშავებულა",- განაცხადა ფრანგმა

    Facebook კომენტარები