• 05-12-2022
    ლევანდოვსკი: "შემდეგ მუნდიალზე თამაში? ამის არ მეშინია"
    ლევანდოვსკი: "შემდეგ მუნდიალზე თამაში? ამის არ მეშინია"
    Aa

    რობერტ ლევანდოვსკი კატარის მუნდიალს გუშინ, საფრანგეთთან წაგებული მერვედფინალის შემდეგ გამოეთიშა.


    მართალია, 34 წლის ცენტრფორვარდმა პენალტის გატანა მოახერხა, თუმცა იმ მომენტისთვის "მამლები" უკვე 3 ბურთით იგებდნენ და საბოლოო შედეგის შეცვლა წარმოუდგენელი იყო.


    მატჩის შემდეგ ლევანდოვსკის შეკითხვა 2026 წელს გასამართ მუნდიალზე მონაწილეობაზე დაუსვეს.


    "ფიზიკური თვალსაზრისით, კიდევ ერთ მუნდიალზე თამაშის არ მეშინია. მსგავს გადაწყვეტილებაზე გავლენას ბევრი ფაქტორი ახდენს, შენი მოწადინება და შენი ბედნიერება.


    "ბარსაში" დაბრუნებამდე რამდენიმე დღით დავისვენებ, შემდეგ კი სეზონის ბოლომდე ყველაფერს გავიღებ," - განაცხადა რობერტმა.


    შეგახსენებთ, რომ მსოფლიო ჩემპიონატზე ლევანდოვსკიმ 2 გოლი გაიტანა. "ბარსას" ცხრიანმა საუდის არაბეთისა და საფრანგეთის კარი აიღო.


    რაც შეეხება 2026 წლის მსოფლიო ჩემპიონატს, მას კანადა, აშშ და მექსიკა უმასპინძლებენ.

    Facebook კომენტარები