უეფას ევროპის ჩემპიონატზე მონაწილე თითოეული ნაკრებისთვის 9,25 მილიონი ევრო აქვს გამოყოფილი; ეს არის ის თანხა, რომელიც საქართველოს ნაკრებმა გამოიმუშავა.

უშუალოდ ევროპის ჩემპიონატზე თითოეული გამარჯვებისთვის უეფა 1,5 მილიონ ევროს იხდის, ხოლო ფრის შემთხვევაში ნაკრებს 750 ათასი ევრო ერგება.

რაც შეეხება ფინალურ სტადიას მერვედფინალში გასვლა 2 მილიონ ევროდ ფასდება, მეოთხედფინალურ სტადიაზე მოხვედრა 3,25 მილიონით, ნახევარფინალურ ეტაპზე უეფა 7 მილიონ ევროს იხდის, ფინალში გასვლისთვის გუნდები 7 მილიონ ევროს მიიღებენ, ხოლო ტურნირის გამარჯვებისთვის 10 მილიონია გამოყოფილი. მთლიანად ტურნირის საპრიზო ფონდი კი 371 მილიონ ევროს შეადგენს.

ევროპის ჩემპიონატი გერმანიაში 14 ივნისიდან 14 ივლისამდე გაიმართება, ფინალი კი ბერლინის “ოლიმპიაშტადიონზე” შედგება.