"ბარსელონა" მარკ კასადოსა და დანი როდრიგესს დაემშვიდობება, - იუწყება Sport.

კასადო 18 წლის ნახევარმცველია, რომელიც "ბლაუგრანას" პირველი გუნდის სამატჩო განაცხადში ხშირად ხვდება ხოლმე. მადრიდის "ატლეტიკოსთან" მოგებულ შეხვედრაში (3:0) მას ლა ლიგაში დებიუტიც ჰქონდა, თუმცა აშკარაა, რომ ჩავის თავს ბევრი ვერაფრით ამახსოვრებს, რადგან სათამაშო დრო ძალიან იშვიათად ეძლევა.

რაც შეეხება როდრიგესს, იგი "ბარსას" 19-წლამდელთა გუნდში საკმაოდ კარგად გამოიყურება და ახალგაზრდული ჩემპიონთა ლიგის 7 მატჩში 7 საგოლე მოქმედება აქვს მითვლილი.

დანის "ლურჯ-ბროწეულისფერნი" აფასებენ, თუმცა კლუბში ეჭვობენ, რომ მან ბილბაოს "ატლეტიკთან" კონტრაქტი უკვე შეათანხმა.

"ბლაუგრანას" ორივე ესპანელთან ხელშეკრულების გახანგრძლივება შეუძლია, მაგრამ მოლაპარაკებებში პროგრესი არ შეიმჩნევა, რაც თითქმის დარწმუნებით გვათქმევინებს, რომ ზაფხულში ისინი გუნდს დატოვებენ.