დავიდ დე ხეას "მანჩესტერ იუნაიტედში" დარჩენის შანსები უკვე ძალიან მცირეა, ესპანელი თავისუფალი აგენტი ხდება.

"იუნაიტედის" მეკარემ ახალ შეთავაზებაზე უარი თქვა, მაგრამ როგორც The Athletic-ი გვიამბობს, საქმე სრულიად განსხვავებულად წარიმართა.

გავლენიანი გამოცემის თქმით, რამდენიმე კვირის წინ, კლუბმა დე ხეას კონტრაქტი შესთავაზა, სადაც მისი ხელფასი საგრძნობლად იყო შემცირებული.

ამის მიუხედავად, დავიდმა ხელშეკრულებას ხელი მოაწერა და ანაზღაურების დაკლებაზე თანახმა იყო.

როგორც აღმოჩნდა, "მანჩესტერმა" ეს კონტრაქტი უკან გაიწვია და ესპანელ მოთამაშეს ახალი კონტრაქტი შესთავაზა კიდევ უფრო ნაკლები ხელფასით.

დე ხეა ამ ფაქტმა ძალიან გააბრაზა, ამიტომაც ახალ კონტრაქტზე უარს ამბობს.