• 12-04-2022
    ლუკ დე იონგის "ბარსელონაში" დარჩენის შანსი არსებობს
    ლუკ დე იონგის "ბარსელონაში" დარჩენის შანსი არსებობს

    "სევილიიდან" "ბარსელონაში" განათხოვრებულმა თავდამსხმელმა, ლიუკ დე იონგმა "ბლაუგრანას" ლამის ყველა გულშემატკივარს შეაყვარა თავი.


    გამოცდილმა ცხრიანმა 2022 წელს 6 გოლი გაიტანა და გუნდს უმნიშვნელოვანეს მომენტებში გამოადგა.


    ბუნებრივია, რომ "ლურჯ-ბროწეულისფერთა" მრავალ გულშემატკივარს გაუჩნდა სურვილი, დე იონგი "კამპ ნოუზე" მომდევნო სეზონშიც იხილოს.


    ამის შესახებ დღეს ცნობილმა ჟურნალისტმა, ტონი ხუანმარტიმ დაწერა.


    "თუ ზაფხულში მემფის დეპაი და მარტინ ბრეითუეიტი გუნდს დატოვებენ, იქნება მცირე შანსი, რომ ლიუკ დე იონგი "ბარსაში" დარჩეს. მიუხედავად ამისა,


    დღევანდელი მოცემულობით, ნიდერლანდელის დარჩენა რთული წარმოსადგენია," - ვკითხულობთ Sport-ის ჟურნალისტის პოსტში.


    შეგახსენებთ, რომ 31 წლის შემტევი "ბარსამ" ანდალუსიური კლუბიდან გასული ზაფხულის სატრანსფერო ფანჯრის უკანასკნელ დღეს ინათხოვრა.


    "ბლაუგრანას" მაისურით ლიუკმა 23 მატჩში მიიღო მონაწილეობა და 7 გოლი გაიტანა.

    Facebook კომენტარები