• 06-06-2022
    დიბალას მოთხოვნები ცნობილია - როგორ ხელფასს ითხოვს არგენტინელი შემტევი
    დიბალას მოთხოვნები ცნობილია - როგორ ხელფასს ითხოვს არგენტინელი შემტევი

    ოფიციალურად, პაულო დიბალა თავისუფალი აგენტი გახდა და ზაფხულის ბოლომდე, კარიერას სხვა კლუბში გააგრძელებს.


    არგენტინელმა "იუვენტუსის" დატოვების გადაწყვეტილება მიიღო, ახლა კი შეთავაზებებს იღებს და ახალ კლუბს არჩევს.


    Daily Mail-ის თქმით, დიბალას მიმართ ინტერესი პრემიერ ლიგის სამმა კლუბმა გამოთქვა - "მანჩესტერ იუნაიტედი", "არსენალი" და "ტოტენჰემი".


    კლუბები არგენტინელის აგენტს დაუკავშირდნენ, მოთხოვნების მოსმენის შემდეგ კი სამივე მათგანმა გადაიფიქრა დიბალას დამატება.


    "ლა ჯოიას" ხელფასის სახით კვირაში თითქმის 300,000 ფუნტი სურს, ამასთან ერთად კი ტრანსფერისთვის დამატებით დიდ თანხას ითხოვს.


    დიბალა უკვე 29 წლის არის და სეზონის დიდ ნაწილს ლაზარეთში ატარებს, რის გამოც ინგლისელებმა მისთვის ამხელა ხელფასის მიცემა არ ისურვეს.


    დიდი ალბათობით, პაულო იტალიაში დარჩება და "ინტერს" შეუერთდება.

    Facebook კომენტარები