• 09-06-2022
    სკამაკასთვის "პსჟ" და "არსენალი" იბრძვიან
    სკამაკასთვის "პსჟ" და "არსენალი" იბრძვიან
    Aa

    ლონდონის "არსენალსა" და ფრანგულ "პარი სენ ჟერმენს" საერთო სატრანსფერო სამიზნე აღმოაჩნდათ.


    როგორც მოგეხსენებათ, ცენტრფორვარდის დამატება "მეთოფეთა" მთავარი ამოცანაა, მიუხედავად იმისა, რომ კლუბმა ედი ნკეტიას კონტრაქტი გაუხანგრძლივა, შემადგენლობაში სიცარიელე მაინც გამოჩნდა. ეს ალექსანდრ ლაკაზეტის ლიონის "ოლიმპიკში" დაბრუნებამ გამოიწვია.


    ცენტრალურ თავდამსხმელთა სიაში "არსენალს" პირველ ნომრად "მანჩესტერ სიტის" გაბი ჟესუსი ჰყავს გამწესებული. ბრაზილიელით "რეალი" და "ჩელსიც" ინტერესდებიან, ამიტომ კლუბი სათადარიგო ვარიანტებზეც ფიქრობს.


    Gazzetta dello Sport-ის რწმენით, ერთ-ერთი ასეთი ვარიანტი "სასუოლოს" ახალგაზრდა შემტევი ჯანლუკა სკამაკაა. 


    ჯანლუკა ძალიან განსხვავდება "არსენალის" სხვა სამიზნეებისგან - იგი მაღალია და თავით ძალიან კარგად თამაშობს. გასულ სეზონში იტალიელმა 16 გოლი გაიტანა, რითაც იტალიის ნაკრებში გამოძახება და გრანდების ინტერესი დაიმსახურა.


    "სასუოლო" სკამას თავდაპირველად 27 მილიონ ფუნტად აფასებდა, მაგრამ მას შემდეგ, რაც 23 წლის ფეხბურთელი "პსჟ-ს" დაუკავშირეს, ფასი 43 მილიონ ფუნტამდე გაიზარდა.


    აქვე გეტყვით, რომ სკამაკა გადაწყვეტილებას ერთა ლიგის ივნისის მატჩების დასრულების შემდეგ მიიჩნევს. რადგან ედი ნკეტიას დარჩენა გადაწყვეტილია, "არსენალი" სწორედ ჯანლუკასა და გაბი ჟესუსს შორის ერთ-ერთს შეიძენს.

    Facebook კომენტარები