როგორც მოგეხსენებათ, ძალიან მალე კალათბურთის მსოფლიოს ჩემპიონატი დაიწყება, სადაც მონაწილეობას საქართველოს ნაკრებიც მიიღებს.

აღსანიშნავია, რომ FIBA-მ მოახლოებული მსოფლიოს ჩემპიონატის მონაწილე ნაკრებების არაოფიციალური რეიტინგი განაახლა, სადაც ყველაზე დიდი წინსვლა ჩვენმა ნაკრებმა განიცადა.

კერძოდ, ილიას ზუროსის გუნდი რეიტინგში 5 პოზიციით წინ წავიდა და 23-ე ადგილიდან, მე-18-ზე გადაინაცვლა.

სასიხარულოა ისიც, რომ საქართველოს ნაკრები ისევ უსწრებს თავის უშუალო ორ მეტოქეს მსოფლიოს ჩემპიონატზე.

ამ მომენტისთვის კაბო-ვერდე 31-ე და ვენესუელა 25-ე ადგილს იკავებენ, ხოლო სლოვენია მე-8 პოზიციაზე იმყოფება.

აქვე გეტყვით, რომ ჩვენი ნაკრები მსოფლიოს ჩემპიონატის პირველ თამაშს 26 აგვისტოს ჩაატარებს.