• 17-06-2022
    "პორტუ" ადასტურებს - ვიეირა "არსენალში" ითამაშებს
    "პორტუ" ადასტურებს - ვიეირა "არსენალში" ითამაშებს
    Aa

    პორტუგალიურმა "პორტუმ" დღეს დაადასტურა ინფორმაცია, რომ "დრაკონებმა" 22 წლის ნახევარმცველი ფაბიო ვიეირა ლონდონის "არსენალში" გაყიდეს. სატრანსფერო თანხად 34 მილიონი ფუნტი სახელდება.


    ახალგაზრდა გამთამაშებელი "მეთოფეების" მესამე ტრანსფერია მიმდინარე ზაფხულში - მათ უკვე გააოფიციალურეს ამერიკელი გოლკიპერის, მეტ ტერნერისა და ბრაზილიელი გარემარბის, მარკინიოსის დამატება.


    "კლუბი ბაზარს ამცნობს, რომ "არსენალთან" მიღწეულია შეთანხმება ვიეირას 40 მილიონ ევროდ შეძენასთან დაკავშირებით," - ვკითხულობთ ოფიციალურ განცხადებაში.


    ფაბიოს ყიდვა ლონდონურ გრანდს ჯერ არ დაუდასტურებია, მაგრამ პორტუგალიელი გუშინ ინგლისის დედაქალაქში შენიშნეს. სავარაუდოდ, მან სამედიცინო შემოწმება გაიარა და ტრანსფერს პრემიერლიგური მხარეც მალე გამოაცხადებს.


    აქვე გეტყვით, რომ ბრიტანული პრესის თანახმად, ნახევარმცველი "არსენალში" კვირაში მხოლოდ 25 ათას ფუნტს გამოიმუშავებს. თვეში ეს თანხა 110 ფუნტს მიაღწევს, რაც მოულოდნელად დაბალ ანაზღაურებად ითვლება.


    ცნობისთვის, გასულ სეზონში ვიეიერა "პორტუს" 6 გოლითა და 14 ასისტით შეეწია. ის დასახელდა ევროპის 21-წლამდელთა ჩემპიონატის საუკეთესო ფეხბურთელადაც.

    Facebook კომენტარები