ახალგაზრდა ქართველი ფეხბურთელი, საბა საზონოვი კარიერას სერია ა-ში გააგრძელებს.

გავლენიანი სპორტული ჟურნალისტის, ფაბრიციო რომანოს მიერ გავრცელებული ინფორმაციის თანახმად, საზონოვის ახალი გუნდი “ტორინო” იქნება.

იტალიური გუნდი მოსკოვის “დინამოს” ახალგაზრდა მცველში დაახლოებით 3 მილიონი ევროს გადაუხდის.

საზონოვი იტალიაში 48 საათის განმავლობაში გაივლის სამედიცინო შემოწმებას და ახალ გუნდთან კონტრაქტს გააფორმებს.

ცნობისთვის, საბამ მიმდინარე სეზონში 4 შეხვედრის ჩატარება მოასწრო.