• 05-07-2022
    ჟესუსი: "არსენალში" გადასვლით ძალიან ბედნიერი ვარ"
    ჟესუსი: "არსენალში" გადასვლით ძალიან ბედნიერი ვარ"

    ლონდონის "არსენალმა" ბრაზილიელი თავდამსხმელის, გაბრიელ ჟესუსის ტრანსფერი გუშინ გააოფიციალურა. 25 წლის თავდამსხმელის მიერ "ემირეიტსზე" გადაღებული ფოტოები ჯერ კიდევ რამდენიმე დღის წინ გავრცელდა, თუმცა ოფიციალური დასტუსი სწორედ გუშინ მივიღეთ.


    გაბიმ მცირე ინტერვიუ "მეთოფეთა" ოფიციალურ საიტსაც მისცა, სადაც დაასახელა მთავარი მიზეზი, რატომაც ლონდონურ გუნდს შეუერთდა.


    "როცა პატარა ვიყავი, "არსენალს" ანრის გამო ვგულშემატკივრობდი. რა თქმა უნდა, ბევრ ევროპულ გუნდს არ ვადევნებდი თვალს, მაგრამ როცა ვნახე ზოგიერთი ფეხბურთელი, რომლებსაც აქ უთამაშიათ, ვთქვი: "ვაუ, ეს დიდ კლუბია." ამ დიდ კლუბში გადასვლით ძალიან ბედნიერი ვარ. პირველივე დღიდან, როცა ვიცოდი, რომ "არსენალისთვის" ვითამაშებდი, ბედნიერი ვიყავი. ვიცნობ სტაფსა და ბრაზილიელ ფეხბურთელებს. ვიცი, რომ აქ ბევრი ტოპ-მოთამაშეა.


    არტეტასთან რამდენჯერმე ვისაუბრე კლუბზე, ფეხბურთელებზე, პროექტსა და მომავალზე. მიკელში 100%-ით დარწმუნებული ვარ. ის ძალიან კარგი ადამიანი და ძალიან კარგი მწვრთნელია. ჩვენ სავარჯიშო სესიების დასრულების შემდეგაც ვრჩებოდით და დამაგვირგვინებელ ფაზაზე ვმუშაობდით. მისგან მეც და ახალგაზრდებსაც ბევრის სწავლა შეგვიძლია," - თქვა ჟესუსმა.


    შეგახსენებთ, რომ გაბი და არტეტა ერთად "მანჩესტერ სიტიში" მუშაობდნენ.


    ჟესუსი "არსენალმა" სწორედ "სიტიზენებიდან" წამოიყვანა და 45 მილიონი ფუნტი გადაიხადა. ეს ლონდონელთა მესამე ტრანსფერია მიმდინარე ზაფხულში მარკინიოსისა და ფაბიო ვიეირას შემდეგ.

    Facebook კომენტარები