• 04-08-2022
    ობამეიანგი "ჩელსიში" გადასვლაზე ფიქრობს
    ობამეიანგი "ჩელსიში" გადასვლაზე ფიქრობს

    პიერ-ემერიკ ობამეიანგის "ბარსელონაში" გადმოსვლიდან მხოლოდ ნახევარი წელია გასული, თუმცა გაბონელმა შეიძლება გუნდი უკვე დატოვოს.


    Telegraph-ის ჟურნალისტ მეტ ლოუს ინფორმაციით, აუბა ლონდონის "ჩელსიში" თამაშითაა დაინტერესებული.


    გუშინ ფაბრიციო რომანომ გვამცნო, რომ "არისტოკრატები" პიერ-ემერიკს რომელუ ლუკაკუს ერთ-ერთ ალტერნატივად განიხილავდნენ. 


    შეგახსენებთ, რომ ობამეიანგისთვის ლონდონი უცხო ქალაქი ნამდვილად არაა - "არსენალის" მაისურით მან იქ 92 გოლი გაიტანა.


    33 წლის ფორვარდი კარგად იცნობს "ჩელსის" ამჟამინდელ თავკაცსაც. თომას ტუხელთან ერთად მას დორტმუნდის "ბორუსიაში" აქვს ნამუშევარი.


    რაც შეეხება "ბარსას", იქ პიერ-ემერიკს კონკურენტად რობერტ ლევანდოვსკი მოუყვანეს, ეს კი სათამაშო დროს მნიშვნელოვნად შეიმცირებებს.


    ცნობისთვის, "ლურჯ-ბროწეულისფერთა" რიგებში ობამეიანგმა 23 მატჩის ჩატარება მოასწრო, სადაც 13 გოლი შეაგდო.

    Facebook კომენტარები
    მეტი სიახლის ნახვა