• 20-01-2023
    "ნაპოლიმ" მოთამაშის გაშვების გადაწყვეტილება მიიღო - შემცვლელიც ნაპოვნია!
    "ნაპოლიმ" მოთამაშის გაშვების გადაწყვეტილება მიიღო - შემცვლელიც ნაპოვნია!
    Aa

    ზაფხულამდე ჯერ კიდევ ძალიან შორია, თუმცა უკვე გამოიკვეთა ერთი ფეხბურთელი, რომელიც იტალიურ "ნაპოლის" სეზონის დასრულების შემდეგ დატოვებს. ეს "პარტენოპეის" მექსიკელი შემტევი, ირვინ ლოსანოა, რომელსაც ახალი გამოწვევების მოძებნა და სხვა ქვეყნის ჩემპიონატში თამაში უნდა.


    28 წლის გარემარბის გაყიდვის წინააღმდეგნი არც "ნაპოლის" ხელმძღვანელობაში არიან.


    თუ II Matino-ს დავუჯერებთ, ნეაპოლელებს ლოსანოს შემცვლელიც ჰყავთ შეგულებული. იგი პრემიერლიგური "ვულვზის" ესპანელი ფლანგელი ადამა ტრაორეა.


    ტრაორე "ბარსელონას" აკადემიაში აღიზარდა. გასული სეზონის მეორე ნახევარი მან იჯარით სწორედ "კამპ ნოუზე" გაატარა, მაგრამ ჩავი ერნანდესმა ადამას გამოსყიდვა არ ისურვა და მასაც "მოლინიუზე" მოუხდა დაბრუნება.


    26 წლის ადამას Transfermarkt-ი 15 მილიონ ევროდ აფასებს. მიმდინარე სეზონში მისი მონაგარი სულ 2 გოლს შეადგენს.


    რაც შეეხება ლოსანოს, მექსიკელი "ნაპოლიმ" 2019 წელს შეიძინა "პსვ-დან". ბრიტანული მედიის ცნობებით, ირვინით დაინტერესებულნი "არსენალი", "მანჩესტერ იუნაიტედი" და "ლივერპული" არიან.

    Facebook კომენტარები