ბერნარდუ სილვა ზაფხულში "მანჩესტერ სიტის" დატოვებას ეცდება, - იუწყება The Athletic.

ბრიტანული ტაბლოიდის ინფორმაციით, 28 წლის ნახევარმცველს კარიერის გაგრძელება ლა ლიგაში უნდა.

ბერნარდუს მთავარ მსურველად "ბარსელონა" მოიაზრებოდა, თუმცა თუ SPORT-ს ვენდობით, პორტუგალიელი ვარსკვლავის "კამპ ნოუზე" გადაბარგების შანსი ძალიან მცირეა.

"ბლაუგრანას" ფინანსურ ფეარ-პლეისთან დაკავშირებული სიტუაცია არ მისცემს საშუალებას, რომ სილვა შეიძინოს.

გუშინწინ გაჟღერებული ცნობების მიხედვით, იანვრის სატრანსფერო ფანჯრის ბოლო დღეს კატალონიელებმა ბერნარდუს 6-თვიანი იჯარით დამატება სცადეს, თუმცა "სიტიზენთაგან" უარი მიიღეს.

მიმდინარე სეზონში ბერნარდუს მონაგარი 2 გოლსა და 5 საგოლე გადაცემას შეადგენს.