ტურინის "იუვენტუსის" პოლონელმა თავდამსხმელმა, არკადიუშ მილიკმა მარცხენა მუხლის მენისკზე ოპერაცია გაიკეთა.

30 წლის ცენტრფორვარდის დაბრუნების ვადები დამატებითი სამედიცინო შემოწმებების გავლის შემდეგ დაზუსტდება.

მილიკმა ოპერაცია რომში ჩაიტარა. Football Italia-ს ვარაუდით, მის დაბრუნებას 2025 წლამდე არ უნდა ველოდოთ.

შეგახსენებთ, რომ არკადიუშს ამ სეზონში საერთოდ არ უთამაშია. მუხლის პრობლემების გამო, პოლონელს ევრო 2024-ის გამოტოვებაც მოუხდა.

"იუვენტუსის" მაისურით მილიკს 75 მატჩში აქვს მონაწილეობა მიღებული. მისი მონაგარი 17 გოლისა და 2 საგოლე გადაცემისგან შედგება.