მილანის "ინტერის" გამოცდილმა ნახევარმცველმა, ჰაქან ჩალჰანოღლუმ "ატალანტასთან" მატჩში თავისთვის მეტად მნიშვნელოვანი მაჩვენებელი დააფიქსირა.

შეხვედრაში, რომელიც "ნერაძურიმ" ანგარიშით 2:1 მოიგო, 29 წლის შუახაზელმა თავი პენალტის ნიშნულიდან გამოიჩინა.

Opta-ს ინფორმაციით, ეს ჰაქანისთვის 36-ე გოლი გახლდათ იტალიის სერია ა-ში. ჩალჰანოღლუ თანამემამულე სუკრუ გულესინს გაუთანაბრდა და ჩემპიონატის ყველაზე შედეგიანი თურქი გახდა.

გულესინი 1950-1953 წლებში "პალერმოსა" და "ლაციოს" ღირსებას იცავდა.

საინტერესოა ისიც, რომ 2017/2018 წლების სეზონიდან მოყოლებული, ჩალჰანოღლუს სერია ა-ში 10-დან 10 პენალტი აქვს გატანილი. ამ შედეგით იგი მხოლოდ რომელუ ლუკაკუს (14/14) ჩამორჩება.

ცნობისთვის, "ინტერნაციონალე" სატურნირო ცხრილს 28 ქულით ლიდერობს.