ტურინის "იუვენტუსისა" და საფრანგეთის ნაკრების ნახევარმცველის, პოლ პოგბას საფეხბურთო კარიერა სერიოზული საფრთხის წინაშეა, რადგან იტალიის ეროვნულმა ანტიდოპინგ სააგენტოს პროკურორებმა მისთვის 4-თვიანი დისკვალიფიკაციის დაწესება მოითხოვს.
გამოცდილი შუახაზელი დოპინგ-ტესტზე ამა წლის სექტემბერში ჩავარდა.
"შემიძლია დაგიდასტუროთ, რომ ანტიდოპინგ სააგენტოსგან ოთხწლიანი დისკვალიფიკაციის მოთხოვნა მივიღეთ," - უთხრა AFP-ს "ბიანკონერის" სპიკერმა.
პოგბას წარმომადგენლები ამბობენ, რომ ტესტოსტერონი, რომელიც პოლის ორგანიზმში აღმოჩნდა, იქ ამერიკელი ექიმის მიერ გამოწერილი წამლის მეშვეობით აღმოჩნდა. თუ ფეხბურთელი ამის დამტკიცებას მოახერხებს, დისკვალიფიკაციის ვადა 2 წლამდე, ან სულაც რამდენიმე თვემდე შეიძლება შემცირდეს.
30 წლის ნახევარმცველმა მიმდინარე სეზონში სულ 2 მატჩის ჩატარება მოასწრო. ახლა მას დროებითი დისკვალიფიკაცია აქვს შეფარდებული და განაჩენს ელოდება.