• 29-01-2023
    სერია ა-ს პირველი წრის სიმბოლური გუნდი - ვინ მოხვდა თერთმეტეულში
    [/xfgiven_playerads]
    სერია ა-ს პირველი წრის სიმბოლური გუნდი - ვინ მოხვდა თერთმეტეულში
    Aa

    იტალიის სერია ა-ში პირველი წრე ჩამთავრდა. ლიდერი "ნაპოლია", რომელიც მეორეადგილოსან "მილანს" მთელი 12 ქულით უსწრებს და ჩემპიონობისკენ დიდი ნაბიჯი აქვს გადადგმული.


    "ნაპოლის" დომინაცია Tuttomercatoweb-ის მიერ შედგენილ სიმბოლურ თერთმეტეულშიც იგრძნობა. პირველი წრის საუკეთესო 11 ფეხბურთელიდან 5 სწორედ "პარტენოპეის" წარმომადგენელია. ბუნებრივია, მსგავსი მაჩვენებლით სხვა ვერცერთი გუნდი დაიკვეხნის.


    სიმბოლურში ყველაზე მაღალი რეიტინგი ვიქტორ ოსიმენს აქვს - ნიგერიელი 7.20 ქულითაა შეფასებული. "ნაპოლის" ცენტრფორვარდს მისივე თანაგუნდელი ხვიჩა კვარაცხელია მოსდევს, 6.90 ქულით.


    თერთმეტეული შემდეგნაირად გამოიყურება:


    მეკარე: გილიელმო ვიკარიო (ემპოლი, 6.58)


    მცველები: პასკუალე მაცოკი (სალერნიტანა, 6.30), კიმ მინ ჯე (ნაპოლი, 6.39), კრის სმოლინგი (რომა, 6.31), მარიო რუი (ნაპოლი, 6.37)


    ნახევარმცველები: ნიკოლო ბარელა (ინტერი, 6.42), სტანისლავ ლობოტკა (ნაპოლი, 6.50), ლუის ალბერტო (ლაციო, 6.43)


    თავდამსხმელები: ხვიჩა კვარაცხელია (ნაპოლი, 6.90), პაულო დიბალა (რომა, 6.85), ვიქტორ ოსიმენი (ნაპოლი, 7.20)

    ტეგები:
    Facebook კომენტარები