• 23-07-2023
    განრიგი ცნობილია - ვის და როდის შეხვდება "ნაპოლი" პრესეზონზე
    განრიგი ცნობილია - ვის და როდის შეხვდება "ნაპოლი" პრესეზონზე

    იტალიურმა "ნაპოლიმ" პრესეზონზე თავისი მეტოქეების სია და მატჩების ჩატარების თარიღები გამოაქვეყნა.

    24 ივლისს "პარტენოპეი" დიმაროში "სპალს" დაუპირისპირდება, მერე კი კასტელ დი სანგროში ჩაატარებს 4 საკონტროლო შეხვედრას. ყველა შეხვედრას "სტადიო ტეოფილო პატინი" უმასპინძლებს, ხოლო მოწინააღმდეგეები თურქული "ჰატაისპორი", ესპანური "ჟირონა", გერმანული "აუგსბურგი" და კვიპროსული "აპოლონი" იქნებიან.

    განრიგი ასე გამოიყურება:

    29 ივლისი, 20:30 საათი*: ნაპოლი V ჰატაისპორი (თურქეთი)

    2 აგვისტო, 20:30 საათი: ნაპოლი V ჟირონა (ესპანეთი)

    6 აგვისტო, 20:30 საათი: ნაპოლი V აუგსბურგი (გერმანია)

    11 აგვისტო, 20:30 საათი: ნაპოლი V აპოლონი (კვიპროსი)

    *თბილისის დროით

    "ჰატაისპორში" ორი ქართველი - საბა ლობჟანიძე (თუმცა ის MLS-ში გადასვლასთან ახლოსაა) და გიორგი აბურჯანია თამაშობს, რაც იმას ნიშნავს, რომ ხვიჩა კვარაცხელიას თავის თანამემამულეებთან მოუწევს დაპირისპირება.

    აქვე გეტყვით, რომ სერია ა "პარტენოპეისთვის" 19 აგვისტოს დაიწყება. ნეაპოლელებს პირველ მეტოქედ "ფროზინონე" ეყოლებათ.

    ტეგები:
    Facebook კომენტარები