• 22-11-2022
    მეფური საჩუქარი ტრიუმფატორებს - რა თანხა გადაეცათ არაბ ფეხბურთელებს არგენტინასთან მოგების გამო
    მეფური საჩუქარი ტრიუმფატორებს - რა თანხა გადაეცათ არაბ ფეხბურთელებს არგენტინასთან მოგების გამო
    Aa

    მსოფლიო ჩემპიონატის ჯგუფური ეტაპის პირველ ტურში არგენტინის ნაკრების დამარცხებამ საუდის არაბეთში სახალხო ზეიმის საფუძველი შექმნა.


    მატჩის დასრულების შემდეგ საუდის არაბეთის გულშემატკივრებმა, რომლებიც სტადიონზე მრავლად იყვნენ, არგენტინელ ქომაგებს სიმღერით მიმართეს. "სად არის მესი? რაღაც არ ჩანს," - სკანდირებდნენ გამარჯვებულნი.


    საუდის არაბეთის მეფე სალმან იბნ აბდულ-აზიზ ალ საუდი მატჩის შედეგს საინტერესო გადაწყვეტილებით გამოეხმაურა - მან ხვალინდელი დღე ქვეყანაში უქმედ გამოაცხადა. დასვენების საშუალება მიეცემათ სტუდენტებსაც და სკოლის მოსწავლეებსაც.


    მეფე ეროვნული ნაკრების ფეხბურთელებსაც დაუფასებს გარჯას. როგორც ირკვევა, თითოეული ფეხბურთელი და სამწვრთნელო შტაბის წევრი პრემიის სახით 2.5 მილიონი ევროთი დასაჩუქრდება.


    შეგახსენებთ, რომ საუდის არაბეთი მუნდიალის C ჯგუფს ლიდერობს. მომდევნო მატჩი მათ პოლონეთის წინააღმდეგ, 26 ნოემბერს ელოდებათ.

    Facebook კომენტარები