• 23-11-2022
    ცნობილია: რა უთხრა არაბმა მცველმა მესის გუშინდელ მატჩში
    ცნობილია: რა უთხრა არაბმა მცველმა მესის გუშინდელ მატჩში
    Aa

    არგენტინისა და საუდის არაბეთის ნაკრებებს შორის გუშინ გამართულ მატჩში მეტად საინტერესო მომენტი დაფიქსირდა.


    კამერებმა აღბეჭდეს მომენტი, როდესაც "მწვანე შევარდნების" მცველმა ალი ალ-ბულაიჰიმ ლიონელ მესის მხარზე ხელი დაჰკრა და რაღაც უთხრა, რამაც "ალბისელესტეს" კაპიტანს ღიმილი მოჰგვარა.


    ინციდენტი არაბების მიერ მეორე გოლის გატანიდან მალევე მოხდა.


    ის, თუ რა უთხრა ალ-ბულაიჰიმ "ბარსელონას" ლეგენდას, თავად ალის მიერ გახდა გაცხადებული.


    "მას მე ვუთხარი: "თქვენ ვერ გაიმარჯვებთ! თქვენ ვერ გაიმარჯვებთ!" - განაცხადა ალ-ბულაიჰიმ.


    რაც შეეხება მესის ღიმილს, ეს ნათქვამის შინაარსზე მეტად იმას უნდა მივაწეროთ, რომ ლეოს არაბული ენა არ ესმის და ალ-ბულაიჰის სულისკვეთებაც მისთვის უცნობი დარჩებოდა.


    შეგახსენებთ, რომ არგენტინამ ჯგუფის აუტსაიდერად მიჩნეულ გუნდთან დაძაბულ ბრძოლაში, ანგარიშით 1:2 წააგო.

    Facebook კომენტარები