• 06-12-2022
    ფერან ტორესი: "მსაჯი? ხანდახან 12 მეტოქესთან გვიწევდა თამაში"
    ფერან ტორესი: "მსაჯი? ხანდახან 12 მეტოქესთან გვიწევდა თამაში"
    Aa

    მაროკოს ნაკრებთან განცდილი მტკივნეული მარცხის შემდეგ ფერან ტორესმა ჟურნალისტებთან ვრცელი კომენტარი გააკეთა:


    "დასახულ გეგმას მივყვებოდით. პირველ ტაიმში ცუდად არ გვითამაშია."


    "ფეხბურთი ძალიან უსამართლოდ მოგვექცა. ჩემი თანაგუნდელებითა და ლუის ენრიკეთი ამაყი ვარ."


    "მსაჯი? ნუ, დღეს იყო მომენტები, როცა 12 მოწინააღმდეგის პირისპირ გვიწევდა თამაში..."


    "ლუის ენრიკეს მხარს სიკვდილამდე დავუჭერთ. რაც არ უნდა გადაწყვიტოს მან, ეს საუკეთესო იქნება. ასევე ვეცდებით, რომ ვეტერანები გუნდში დარჩენაში დავარწმუნოთ."


    შეგახსენებთ, რომ "ფურია როხამ" კატარის მსოფლიო ჩემპიონატი მერვედფინალური ეტაპიდან დატოვა. ესპანელებმა მაროკოს ძირითად და დამატებით დროში გოლი ვერ გაუტანეს, პენალტების სერიაში კი 3 თერთმეტმეტრიანი გააფუჭეს და ტურნირს დაემშვიდობნენ.


    ფერან ტორესმა თავის კარიერაში პირველი მუნდიალი 2 გოლით დაასრულა. ორივე გოლი მან ჯგუფური ეტაპის პირველ ტურში, კოსტა რიკის ნაკრების წინააღმდეგ შეაგდო.

    Facebook კომენტარები