• 05-04-2022
    შეცვლის თუ არა ირანს იტალია მუნდიალზე - ინფანტინოს პასუხი
    შეცვლის თუ არა ირანს იტალია მუნდიალზე - ინფანტინოს პასუხი
    Aa

    მას მერე, რაც იტალიის ნაკრები მსოფლიო ჩემპიონატის შესარჩევი ეტაპის ფლეიოფში დამარცხდა, "სკუადრა აძურის" ფანებს ერთადერთ იმედად ის დარჩათ, რომ ყატარის მუნდიალზე მათ გუნდს ირანის ეროვნული გუნდი ჩაენაცვლებინა.


    ტურნირიდან ირანის ჩახსნაზე საუბარი ლიბანის წინააღმდეგ სტადიონზე ქალი გულშემატკივრების არდაშვების შემდეგ დაიწყო, თუმცა ფიფას პრეზიდენტმა, ჯანი ინფანტინომ აპენინელებს ეს მოსაჭიდებელი ხავსიც მოუსპო.


    "მოდი, სერიოზულები ვიყოთ... იტალიას თითქმის ყველა მუნდიალზე აქვს ნათამაშები, მსგავსი შანსი კი სხვა ნაკრებებს იშვიათად მიეცემათ ხოლმე. ძალიან მნიშვნელოვანია, რომ ფინალურ ეტაპზე მოხვედრის იმედი სხვებსაც დარჩეთ.


    ცრემლებს მგვრის იმაზე ფიქრი, რომ იტალიას კატარში ვერ ვიხილავთ, თუმცა ვითარება არ შეიცვლება," - თქვა ინფანტინომ Football Italia-სთან საუბარში.


    როგორც ჩანს, იმის გამო, რომ ირანი-ლიბიის მატჩზე დასწრების მსურველ 2000 ქალს ქალაქ მეშხედის სამართალმდაცველებმა გზა გადაუღობეს და დაარბიეს კიდეც, შეხვედრის მასპინძელი ქვეყნის ნაკრებს საფეხბურთო სანქცია არ შეეხება.


    ცნობისთვის, ირანის ეროვნული ნაკრები კატარის მუნდიალზე B ჯგუფში იასპარეზებს. მათი მეტოქეები ინგლისი, აშშ და უკრაინა-შოტლანდია-უელსს შორის ერთ-ერთი იქნებიან.

    Facebook კომენტარები