როგორც მოგეხსენებათ, საქართველოს ნაკრების 24 წლის ფეხბურთელის, ლუკა ლოჩოშვილის “კრემონეზე” სამწუხაროდ, სერია B-ში დაქვეითდა.

Calcio Cremonese-მ გასულ სეზონში ლუკას თამაში შეაფასა:

“მცველებს შორის ლოჩოშვილი საუკეთესოა. ზოგჯერ ცდება, თუმცა ყოველთვის ყურადღებიანია, არასდროს ნებდება და არაფერზე იხევს უკან. ამიტომაც, მას ხშირად ვხედავთ თავშეხვეულს, რაც ბრძოლისუნარიანობაზე მიგვითითებს”. - წერია სტატიაში.

საგულისხმოა, რომ ლუკამ ზემოხსენებული სააგენტოსგან 7.0 შეფასება დაიმსახურა, რაც მცველებს შორის საუკეთესო მაჩვენებელი იყო.

ცნობისთვის, ლუკა ლოჩოშვილმ გასულ სეზონში ჩატარებულ 27 შეხვედრაში 1 გოლი გაიტანა და 2 საგოლე გადაცემა შეასრულა.