"რა თქმა უნდა, "რუბინის" მსგავსი ხელფასი ვერ შევთავაზეთ, თუმცა ეროვნული ლიგის დონეზე მსგავსი ხელფასი სხვებისთვის უბრალოდ მიუღწეველია. ხვიჩას დიდ თანხას ვუხდით" - ეს სიტყვები ბათუმის "დინამოს" პრეზიდენტს არჩილ ბერიძეს ეკუთვნის.

როგორც ირკვევა, ეროვნულ ლიგაში ყველაზე დიდი ხელფასები სწორედ მოქმედ ჩემპიონებს აქვთ და ეს თანხა 15-20 ათას ლარს აღწევს.

მეორე ადგილს იკავებს ქუთაისის "ტორპედო", რომელიც, მართალია ფორმაში ვერაა, თუმცა მოთამაშეებს ანაზღაურების სახით 10-15 ათას ლარს უხდის.

ცნობისთვის, ხელფასების გაცემის პრობლემა იყო თბილისის "საბურთალოში", თუმცა ეს პრობლემა უკვე მოგვარებულია. მიუხედავად ამისა, მსგავს ვითარებას მრავალ ქართულ გუნდში ვხვდებით.