• 17-06-2022
    "ის ჩემთვის ფენომენია" - ხვიჩას იტალიაში ისევ აქებენ
    "ის ჩემთვის ფენომენია" - ხვიჩას იტალიაში ისევ აქებენ

    ცნობილი იტალიური გამოცემა Corriere dello Sport-ის ჟურნალისტმა ივან ძაძარონიმ Radio Marte-სთან "ნაპოლის" სატრანსფერო პოლიტიკაზე ისაუბრა, სადაც ხვიჩა კვარაცხელიასაც შეეხო.


    "რეალობა ის არის, რომ "მილანმა" ტექნიკუ დონეზე ძალიან ცოტა სწორი არჩევანი გააკეთა. ამ კუთხით შეცდომები "ნაპოლიმაც" დაუშვა, თუმცა ადრეც მითქვამს და ვიმეორებ: "ნაპოლის" ყველაზე დიდი შენაძენი ფეხბურთელების სტაბილურობაა.


    დეულოფეუ? ის, ალბათ, მერტენსს ჩაანაცვლებს, ოლივერაც კარგი ფეხბურთელია. კვარაცხელიას თამაშის რამდენიმე ვიდეოსიუჟეტი ვნახე და ჩემთვის ის ფენომენია. დეულოფეუ ძალიან ტექნიკურია და კარგადაც თამაშობს. შეიძლება ის ინსინიე არ არის, თუმცა გუნდში სხვა როლი ექნება", - განაცხადა ძაძარონიმ.


    ცნობისთვის, ხვიჩა კვარაცხელია იტალიურ გრანდს ივლისის დასაწყისში შეუერთდება, სადაც 5-წლიან კონტრაქტს გააფორმებს.

    Facebook კომენტარები