დღეს შვეიცარიის ქალაქ ნიონში ჩატარდა კონფერენს ლიგის 2023/2024 წლების სეზონის პირველი საკვალიფიკაციო ეტაპის წილისყრა.

თავიანთი მეტოქეები შეიტყვეს ქართულმა კლუბებმაც:

"დინამო ბათუმი" - "ტირანა" (ალბანეთი)

"დილა" - "დუნაისკა სტრედა" (სლოვაკეთი)

"ტორპედო" - "სარაევო" (ბოსნია)

ბათუმელები და გორელები პირველ მატჩს სტუმრად ჩაატარებენ. რაც შეეხება "ტორპედოს", ქუთაისური გუნდი წყვილის პირველ შეხვედრას შინ, რამაზ შენგელიას სახელობის არენაზე გამართავს.

პირველი მატჩები 13 ივლისაა დაგეგმილი, ხოლო განმეორებითი შეხვედრები - 20 ივლისს.

შეგახსენებთ, რომ დღეს გაირკვა თბილისის "დინამოს" მეტოქეც ჩემპიონთა ლიგის საკვალიფიკაციო ეტაპზე. დედაქალაქელები ყაზახურ "ასტანას" შეერკინებიან.