UFC-ის ნახევრად საშუალო წონის ყოფილმა ჩემპიონმა, კამარუ უსმანმა UFC 290-ის წინ თავისი რჩეული 5 მებრძოლი დაასახელა.

ნიგერიელი სპორტსმენის რჩეულ ხუთეულში ქართველი მებრძოლი, ილია თოფურიაც მოხვდა.

კამარუმ 26 წლის ქართველი მებრძოლის შესახებ ისაუბრა:

“ილია UFC-ში შედარებით ახალი მებრძოლია, თუმცა დარბაზში მასთან სპარინგის საშუალება მომეცა. თოფურია ბრწყინვალე მებრძოლია. მისი კომბინაციის ხილვის შემდეგ ჩემს თავს ვუთხარი “ჯანდაბა, ძალიან მაგარი მებრძოლია”. - განაცხადა უსმანმა.