"დუელი" მანჩესტერში გაგრძელდება

23-05-2016, 21:16

თანამედროვეობის ორი გამორჩეული მწვრთნელი ახალ გამოწვევას ელოდება. ყველაფერი 2009-2010 წლის ჩემპიონთა ლიგის ჯგუფური ეტაპით დაიწყო. მილანის "ინტერსა" და "ბარსელონას" შორის გამართული მატჩები გამოდგა პეპ გვარდიოლასა და ჟოზე მოურინიოს საწყისი დაპირისპირებები. ჯგუფური ეტაპის პირველი შეხვედრა უგოლოდ დასრულდა, ხოლო შემდეგ შეხვედრაში გვარდიოლას ბიჭებმა იტალიელებზე გამარჯვება მოახერხეს. ამავე წლის ნახევარფინალში გადაეყარნენ ერთმანეთს. ორმატჩიან ბრძოლაში გამარჯვება მოიპოვა პორტუგალიელმა სპეციალისტმა, რომელმაც საბოლოოდ ტიტულიც მოიგო. და აი დადგა გვარდიოლასა და მოურინიოს ერა ესპანეთში. ისედაც საინტერესო ელ-კლასიკოს უფრო მეტი ინტერესი მიეცა. მათი პირველი ესპანური დაპირისპირება 2010 წელს პრიმერა დივიზიონში შედგა და მატჩი მადრიდის "რეალის" სრული განადგურებით 5-0 დასრულდა. მეორე შეხვედრა კი ფრედ 1-1 მორჩა. პორტუგალიელმა შეძლო და თასზე იმარჯვა 1-0. თუმცა წლის მთავარი მოვლენის, ჩემპიონთა ლიგის, კენჭისყრამ ნახევარფინალში მადრიდის "რეალი" და "ბარსელონა" ერთმანეთს შეახვედრა. ძალზედ დაძაბულ ორმატჩიან დუელში მოურინიოს ბიჭები დაიჩაგრნენ და საბოლოო ჯამში 4-5 დამარცხდნენ. 2012 წელს დაპირისპირება კიდევ 4-ჯერ განმეორდა. პრიმერა დივიზიონში გუნდებმა 3-3 ქულა გაინაწილეს, ხოლო "კოპა დელ რეის" შეხვედრები კვლავ კატალონიელების გამარჯვებით დასრულდა. ამავე წელს დასრულდა დაპირისპირება ესპანეთში. ესპანური "დუელის" შემდეგ მოურინიო და გვარდიოლა ერთმანეთს უეფას სუპერ თასზე დაუპირისპირდნენ, სადაც ევროპის ლიგის გამარჯვებული ლონდონის "ჩელსი" და ჩემპიონთა ლიგის გამარჯვებული მიუნხენის "ბაიერნი" შეხვდნენ. მატჩი ფრედ 2-2 დასრულდა და რომელუ ლუკაკუს გაფუჭებული თერთმეტმეტრიანის წყალობით გამარჯვება ესპანელ მწვრთნელს დარჩა. პორტუგალიურ-ესპანური დაპირისპირება 16 მატჩს ითვლის. აქედან 7 მატჩი გვარდიოლას, ხოლო 3 მატჩი მოურინიოს გამარჯვებით დასრულდა, 6 თამაშში გუნდებმა ქულები გაიყეს. ბრიტანეთი და არამარტო ბრიტანეთი უაღრესად საინტერესო "დუელის" მოლოდინშია.



კომენტარის დასამატებლად გთხოვთ გაიაროთ რეგისტრაცია.

ქართული ამბები

ჩაკვეტაძე: "გენტი" 25 მილიონად გამყიდის"

პროგნოზები

დაგვიმეგობრდით