მოგეხსენებათ, რომ ბუნდესლიგა 2-მა სტარტი აიღო, ბუდუ ზივზივაძის "კარლსრუემ" ჩემპიონატი ფრით გახსნა, რაშიც ქართველმა დიდი წვლილი შეიტანა.

მან პირველივე ტურში "ჰამბურგთან" გუნდს ქულა გადაურჩინა და 95-ე წუთზე გამათანაბრებელი გოლი გაიტანა. მატჩი ფრედ 2:2 დასრულდა.

შეხვედრის შემდეგ "კარლსრუეს" სოციალურმა მედიამ ბუდუს ინტერვიუ ჩამორთვა, სადაც ქართველმა გატანილ გოლზე ისაუბრა"

"გახარებული ვარ იმით, რომ გუნდის დახმარება შევძელი. ეს მართლაც გასაოცარი მომენტი იყო," - განაცხადა ზივზივაძემ.