ბრძოლა ჩემპიონთა ლიგისთვის: "ბაიერნი" - "ბენფიკა"

5-04-2016, 15:13

როგორც მოგეხსენებათ, 5 აპრილს გაიმართება ჩემპიონთა ლიგის მეოთხედფინალური ეტაპის პირველი მატჩი, სადაც "ბაიერნი" საკუთარ მოედანზე "ბენფიკას" უმასპინძლებს. მერვედფინალში გერმანულ კლუბს საკმაოდ გაუჭირდა, რამეთუ ტურინში "იუვენტუსთან" 2-ბურთიანი უპირატესობა გაფლანგა და შეხვედრა 2-2 დასრულდა, ხოლო ალიანს არენაზე "ბებერი ქალბატონი" 0-2-ს იგებდა და თამაშის მიწურულს "რეკორდმაისტერმა" მატჩის გადარჩენა მოახერხა, ექსტრა ტაიმში კი მეტოქე საბოლოოდ გატეხა და შემდეგი ეტაპის საგზური მოიპოვა. "ბენფიკასაც" არ ჩაუტარებია მარტივი მატჩები. პორტუგალიაში "ზენიტს" 1-0 სძლია, ხოლო შემდეგ რუსეთში 1-2 დაამარცხა მეტოქე, თუმცა საკმაოდ გაუჭირდა ამ შეხვედრაში. "ბაიერნის" ყოფილმა გოლკიპერმა, ჰანს-იორგ ბუტმა მატჩის წინ აღნიშნულ დაპირისპირებაზე ისაუბრა: "მთავარი ხიფათი ისაა, რომ შესაძლოა გუნდმა "ბენფიკას" ძალები ვერ შეაფასოს". "პორტუგალიური კლუბი საკმაოდ ძლიერი შემადგენლობითაა დაკომპლექტებული, რაც შედეგებზეც აისახება. განსაკუთრებით აღსანიშნავია სამხრეთ ამერიკული წარმოშობის მოთამაშეების ასპარეზობა, რომლებიც გუნდის უდიდეს ძალას წარმოადგენენ". "ძალიან უსამართლოა, რომ "ბენფიკა" ამდენი ხნის მანძილზე არასდროს ყოფილა ამ ეტაპამდე მოსული. სასიამოვნოა, რომ მათ ნავსი გატეხეს და მეოთხედფინალში შეძლეს გასვლა". "ცხადია, "ბაიერნი" ფავორიტია, თუმცა ეს არ იძლევა მოდუნების საშუალებას. გუნდმა მაქსიმუმი უნდა გააკეთოს, რათა მომდევნო ეტაპზე შეძლოს გასვლა". ორივე გუნდი ოპტიმალური ფორმით ხვდება აღნიშნულ დაპირისპირებას. გუნდებმა საკუთარ ჩემპიონატებში გამარჯვების მოპოვება მოახერხეს და კარგი განწყობით ხვდებიან ამ შეხვედრას. აღსანიშნავია, რომ აქამდე "ბაიერნი" და "ბენფიკა" ერთმანეთს არასდროს შეხვედრიან. ასე რომ, ამ მხრივაც ეს მატჩი განსაკუთრებულ დატვირთვას ატარებს. ამ შეხვედრაში "ბენფიკას" დააკლდებიან ჟულიო სეზარი, ლისანდრო ლოპესი, ლუიზაო და ნუნო სანტოსი. გერმანელთა დანაკლისი კი ბადშტუბერითა და ჟერომ ბოატენგით შემოიფარგლება. საეჭვოა ხავი მარტინესისა და არიენ რობენის თამაში. შეგახსენებთ, რომ მატჩი თბილისის დროით 22:45 საათზე დაიწყება.

სავარაუდო შემადგენლობები

სპეციალურად FOOTBALLNEWS.GE-სთვის მამუკა მამულაშვილი!



კომენტარის დასამატებლად გთხოვთ გაიაროთ რეგისტრაცია.

ქართული ამბები

პროგნოზები

-
17 სექტემბერი
-
17 სექტემბერი
-
მოგებული
-
მოგებული

დაგვიმეგობრდით