10 ფეხბურთელი, რომელიც ბავშვობის კლუბს დაუბრუნდა

10-03-2016, 23:00

დღევანდელ ფეხბურთში ძალიან იშვიათია ტოტის, სქოულზისა და გიგზისნაირი მოთამაშეები. როგორც მოგეხსენებათ, ისინი მთელი კარიერის მანძილზე მხოლოდ ერთ კლუბში ირიცხებოდნენ. FOOTBALLNES.GE გთავაზობთ ინფორმაციას იმ 10 ფეხბურთელზე, რომელიც ბავშვობის კლუბებში დაბრუნდნენ.

#1 ფერნანდო ტორესი - ატლეტიკო

ესპანელი ფეხბურთელი მადრიდულ კლუბში 2001 წელს ჩაირიცხა. 7 სეზონი "ატლეტიკოს" ღირსებას იცავდა, თუმცა 2007 წელს იგი "ლივერპულში" გადაბარგდა. ამ კლუბში შესანიშნავი თამაშით მან მთელი მსოფლიო მოხიბლა, განსაკუთრებით "ჩელსი". "არისტოკრატებში" ტრანსფერი ტორესისთვის ძალიან ცუდი გამოდგა. მან სათამაშო ფორმა დაკარგა. ლონდონური კლუბიდან იგი "მილანში" გადაბარგდა. 2015 წლის იანვარში კი იგი მადრიდის "ატლეტიკოში" დაბრუნდა.

#2 სესკ ფაბრეგასი - ბარსელონა

ესპანელი ფეხბურთელი "ბარსელონას" აღზრდილია. შემდგომ იგი "არსენალში" გაუშვეს, სადაც მან შესანიშნავი კარიერა აიწყო. იგი გუნდის ერთ-ერთ ლიდერად ჩამოყალიბდა და მთელი მსოფლიოს ყურადღება მიიპყრო. რამდენიმე წლის განმავლობაში აქტიურად იწერებოდა, რომ იგი შესაძლოა კატალონიაში დაბრუნებულიყო. საბოლოოდ, 2011 წელს იგი "ბარსელონაში" დაბრუნდა. იქ მან საკუთარი თავის მაქსიმუმი ვერ გამოამჟღავნა და კლუბის დატოვება გადაწყვიტა. 2014 წლიდან იგი "ჩელსის" ღირსებას იცავს.

#3 ზიკო - ფლამენგო

იგი ერთ-ერთ ნიჭიერ ფეხბურთელად ითვლება ფეხბურთის ისტორიაში. მისი ტექნიკური შესაძლებლობები და მოედნის ხედვა შესანიშნავ კომბინაციას ქმნიდა. 1971 წელს ზიკო "ფლამენგოში" ჩაირიცხა. 1983 წლამდე იგი ამ კლუბის ღირსებას იცავდა და იქ უდიდესი სახელი დატოვა. შემდეგ მას იტალიაში, კერძოდ "უდინეზეში" გადაბარგება მოუწია. 2 წლის შემდეგ იგი ყოფილ კლუბს დაუბრუნდა, თუმცა 4 სეზონის განმავლობაში მხოლოდ 37 მატჩის ჩატარება მოუწია.

#4 კარლოს ტევესი - ბოკა ხუნიორსი

არგენტინელ ფეხბურთელს ნათამაშები აქვს ისეთ კლუბებში, როგორებიცაა, "მანჩესტერ იუნაიტედი", "მანჩესტერ სიტი" და "იუვენტუსი", თუმცა კლუბი, რომელიც მას ყველაზე მეტად უყვარს - ეს "ბოკა ხუნიორსია". ტევეზმა კარიერა "ბოკაში" 2001 წელს დაიწყო. შესანიშნანავად გატარებული სეზონების შემდეგ "კორინთიანსში" გადაბარგდა. შემდეგ კი ინგლისის პრემიერ ლიგას მიჰყო ხელი. იგი ერთ-ერთი საუკეთესო იყო იმ კლუბებში, სადაც მას ნათამაშები აქვს. 2015 წლიდან კი მან კვლავ მოირგო "ბოკა ხუნიორსის" ფორმა.

#5 რობი ფაულერი - ლივერპული

რობი ფაულერი ლივერპულში დაიბადა. საფეხბურთო კარიერა "ლივერპულში" დაიწყო და დიდ წარმატებასაც მიაღწია. მან მთლიანად 183 გოლის გატანა მაოხერხა, საიდანაც 128 პრემიერ ლიგაშია გატანილი. მას ზედმეტსახელად "ღმერთსაც" უწოდებდნენ. იგი "ლივერპულის" ლეგენდა გახდა. 1993 წლიდან 2001 წლამდე "მერსესაიდელების" რიგებში ირიცხებოდა. 2006 წლამდე იგი "ლიდსსა" და "მანჩესტერ სიტიში" ასპარეზობდა, შემდეგ კი იგი მის მშობლიურ კლუბში დაბრუნდა. ერთი სეზონის შემდეგ მან კარიერა "კარდიფში" განაგრძო.

#6 იოჰან კრუიფი - აიაქსი

ლეგანდარულმა ჰოლანდიელმა ფეხბურთელმა საფეხბურთო კარიერა 1964 წელს "აიაქსში" დაიწყო. მან მშობლიური ჩემპიონატი 8-ჯერ, ხოლო ევროპის თასი 3-ჯერ მოიგო. მან მთელს მსოფლიოში უდიდესი პოპულარობა მოიპოვა და მრავალი კლუბის ყურადღება მიიპყრო. 1973 წელს იგი "ბარსელონაში" გადაბარგდა და იქ 5 სეზონი დაჰყო. რამდენიმე კლუბში ასპარეზობის შემდეგ, 1981 წელს იგი კვლავ "აიაქსში" დაბრუნდა, სადაც კიდევ 2 სეზონი გაატარა.

#7 ხერარდ პიკე - ბარსელონა

კატალონიელი ფეხბურთელი თავდაპირველად "ბარსელონას" აკადაემიაში ჩაირიცხა. ჯერ იგი საყრდენი ნახევარმცველის პოზიციაზე იდგა. მან პირველი პროფესიონალური კონტრაქტი "მანჩესტერ იუნაიტედთან" გააფორმა. 4 სეზონის განმავლობაში იგი "წითელი ეშმაკების" ღირსებას იცავდა. 2008 წელს იგი "ბარსელონამ" 5 მლნ. ფუნტად შეიძინა და პიკე მშობლიურ კატალონიას დაუბრუნდა.

#8 ხუან რომან რიკელმე - ბოკა ხუნიორსი

რიკელმე არაჩვეულებრივი შესაძლებლობების მქონე ფეხბურთელია. მისი პასები, ხედვა და ტექნიკა მის თამაშს დიდ ელფერს სძენდა. რიკელმეს დებიუტი "ბოკაში" 1996 წელს შედგა. მან ამ კლუბში წარმატებული 7 წელი გაატარა და 2002 წლიდან იგი "ბარსელონაში" გადავიდა. შემდეგ იგი "ვილიარეალში" მოხვდა და 2007 წლიდან რიკელმე კვლავ მშობლიურ "ბოკა ხუნიორსს" დაუბრუნდა.

#9 ხუან პაბლო ანხელი - ნასიონალი

ხუან პაბლო ანხელმა კარიერა "ნასიონალში" დაიწყო. მას დიდი წვლილი მიუძღვის 1994 წელს ჩემპიონშიპის მოგებაში. ფეხბურთელი 1998 წელს "რივერ პლეიტში" გაყიდეს. ამის შემდეგ მან კიდევ 4 კლუბის მაისური მოირგო. საბოლოოდ კი 2013 წელს "ნასიონალში" დაბრუნდა და ერთი სეზონის შემდეგ კარიერა დაასრულა.

#10 ანდრეი არშავინი - ზენიტი

არშავინმა "ზენიტში" კარიერა 2000 წელს დაიწყო. 2008 წლის ევროპის ჩემპიონატზე მან არაჩვეულებრივად იასპარეზა და "არსენალის" ყურადღება მიიქცია. 2009 წელს ანდრეიმ ლონდონელების მაისური მოირგო. როგორც ჩანს, მან "მეთოფეებთან" კარგად ვერ მოიკიდა ფეხი და 2012 წელს ჯერ იჯარის წესით დაბრუნდა "ზენიტში", ხოლო 2013 წელს იგი რუსულმა კლუბმა მთლიანად გამოისყიდა. ამჟამად იგი თავისუფალი აგენტია და მომავალ კლუბს ელოდება. სპეციალურად FOOTBALLNEWS.GE-სთვის მამუკა მამულაშვილი!



atletikoshi torresi ro dabrunda magaze magrad araferi ar gamiswordaa
griezmanni da torresi magari wyvili sheiqmna 2015 da 2016 wlis sezonebshi magram exla kevin gameiro movida da eg da grizi arian shemtevebi
torresma ra qnas daberda mara mainc uklasnesia

კომენტარის დასამატებლად გთხოვთ გაიაროთ რეგისტრაცია.

ქართული ამბები

31 მილიონი მზადაა - რას წერს "გენტის" ოფიციალური გვერდი ჩაკვეტაძეზე

დაგვიმეგობრდით