ბრძოლა ჩემპიონთა ლიგისთვის: "რეალი" - "რომა"

8-03-2016, 16:36

როგორც მოგეხსენებათ, დღეს გაიმართება ჩემპიონთა ლიგის მერვედფინალური ეტაპის განმეორებითი მატჩი, სადაც "რეალი" სანტიაგო ბერნაბეუზე "რომას" დაუპირისპირდება. რომაელები ძალიან კარგ ფორმაში არიან, რამეთუ მათ ზედიზედ შვიდი სერია ა-ს მატჩი მოიგეს. ახლა ისინი წარმატების მიღწევას მადრიდში ეცდებიან, თუმცა სამეფო კლუბის უპირატესობა ძალიან დიდია. "ბლანკოსს" ჩემპიონთა ლიგაზე შთამბეჭდავი სტატისტიკა აქვს. "რეალმა" ლიგის ბოლო 33 მატჩიდან 28 მოიგო. მატჩისწინა პრესკონფერენციაზე მირალემ პიანიჩმა გუნდის შანსებზე და ზოგადად გუნდის ასპარეზობაზე ისაუბრა. "ეს არის ნამდვილი "რომა". ჩვენ ჩავალთ მადრიდში და მაქსიმუმს გავაკეთებთ ჩვენი გულშემატკივრებისთვის". "ვიცით, რომ ეს ძალიან რთული ამოცანაა, თუმცა ამის დასაძლევად ყველაფერს გავიღებთ. ვეცდებით, რომ პირველ ტაიმშივე შევძლოთ მეტოქისთვის გოლის გატანა, ამით ჩვენი ამოცანა უფრო გაიოლდება". "თავს კარგად ვგრძნობ. გუნდიც შესანიშნავადაა განწყობილი. ფიზიკურად კარგად ვართ მომზადებულები, რაც ამ დონის მატჩისთვის გადამწყვეტ ფაქტორს წარმოადგენს". "ატლეტიკოსთან" მარცხის შემდეგ სამეფო კლუბი ჩვეულ ფორმას უბრუნდება. ზინედინ ზიდანის შეგირდებმა ჯერ "ლევანტესთან" იმარჯვეს 1-3, ხოლო შემდეგ სანტიაგო ბერნაბეუზე "სელტას" გადაუარეს 7-1. "რეალს" ბენზემას სახით დიდი დანაკლისი აქვს, თუმცა გუნდს რამდენიმე ფეხბურთელი დაუბრუნდა, მათ შორის, გარეთ ბეილი, რომელიც გუნდის საკვანძო ფიგურა გახდა. "რომას" დღევანდელ მატჩში დააკლდება დანიელე დე როსი. ასევე, რაჯა ნაინგოლანი და ანტონიო რუდიგერი, რომლებმაც გუნდისგან გამოყოფილად ივარჯიშეს.

სავარაუდო შემადგენლობები

სპეციალურად FOOTBALLNEWS.GE-სთვის მამუკა მამულაშვილი!



კომენტარის დასამატებლად გთხოვთ გაიაროთ რეგისტრაცია.

ქართული ამბები

კაშია: "სწორ გზაზე ვართ"

დაგვიმეგობრდით