პრემიერლიგაში 110-წლიანი რეკორდი განმეორდა

16-09-2018, 22:01

ხვალ დასრულდება ინგლისის პრემიერლიგის მე-5 ტური. საინტერესოა, რომ მიმდინარე ტურში ინგლისის ჩემპიონატის საუკუნო რეკორდი განმეორდა.

კერძოდ, საწყისი ხუთი ტურის შემდგომ ერთბაშად ორ გუნდს აქვს ქულების 100%, 15 ქულა აღებული. მსგავსი შედეგი კი (5-დან 5 გამარჯვება 2 გუნდს) უკანასკნელად 110 წლის წინ, 1908 წელს დაფიქსირდა.

ჯამში, ასეთი შედეგი ინგლისის ჩემპიონატში სულ სამჯერ არის დაფიქსირებული. პირველად ასეთი შემთხვევა 1905-06 წლების სეზონში დაფიქსირდა, მეორედ 1908-09 წლების სეზონში, მესამედ კი მიმდინარე წელს.

შეგახსენებთ, რომ ამჟამად მაქსიმალური, 15 ქულით პრემიერლიგას ლონდონის "ჩელსი" და მერსისაიდული "ლივერპული" ლიდერობენ.



კომენტარის დასამატებლად გთხოვთ გაიაროთ რეგისტრაცია.

ქართული ამბები

ძალიან სამწუხარო სიახლე საქართველოს ნაკრებისთვის დიდი მატჩის წინ

დაგვიმეგობრდით