გვილიამ სადებიუტო გოლი გაიტანა

23-02-2019, 23:41

დღეს პოლონეთის ექსტრაკლასას 23-ე ტურის მატჩი გაიმართა, რომელშიც "გორნიკ ზაბჟემ" "ზაგლებიეს" უმასპინძლა და ანგარიშით 2:1 სძლია.

მასპინძელთა მხრიდან ანგარიშის გახსნა გუნდის ქართველმა ცენტრალურმა ნახევარმცველმა, ვაკო გვილიამ მოახერხა. 24 წლის ფეხბურთელმა შეხვედრის მე-12 წუთზე დალაშქრა მეტოქის კარი. მან 83 წუთი გაატარა მინდორზე.

ამ გამარჯვების წყალობით "გორნიკი" მე-12 ადგილზე გადავიდა და საჩემპიონო ჯგუფში შესასვლელად 10 ქულა აკლია.

შეგახსენებთ, რომ გვილია პოლონურ კლუბში გასული სატრანსფერო ფანჯრის დროს გადავიდა, იჯარის წესით.



კომენტარის დასამატებლად გთხოვთ გაიაროთ რეგისტრაცია.

ქართული ამბები

ვაისი: "შანსი ახალგაზრდებს მიეცემათ"

დაგვიმეგობრდით