"ტოტენჰემი" უშანსოდაა?! რას ამბობს სტატისტიკა

1-05-2019, 01:48

სულ ცოტა ხნის წინ დასრულდა ჩემპიონთა ლიგის პირველი 1/2 ფინალური ეტაპის მატჩი, რომელშიც "ტოტენჰემმა" ამსტერდამის "აიაქსს" უმასპინძლა და 0:1 დამარცხდა.

თამაშის დასრულებისთანავე ოფიციალურმა საიტებმა საინტერესო სტატისტიკები გამოაქვეყნეს. თუ ამ სტატისტიკებს ვენდობით, მაშინ, ლონდონის "ტოტენჰემი" ფაქტობრივად უშანსოდაა.

აქამდე ლიგის ისტორიაში სულ სამჯერ იყო ისეთი შემთხვევა, როდესაც "დეზებმა" საკუთარ კედლებში დაიწყეს პლეი-ოფის დაპირისპირება და დამარცხდნენ. სამივე შემთხვევაში კლუბმა განმეორებით მატჩში წარმატებას ვერ მიაღწია და ტურნირს გამოეთიშა.

ასევე, 1/2 ფინალურ ეტაპებზე მასპინძლებმა პირველი თამაში სულ 17-ჯერ დათმეს. მათგან კი მხოლოდ ერთმა, ამსტერდამის "აიაქსმა" შეძლო ფინალში გასვლა და ისიც შორეულ, 1996 წელს.

გარდა ამისა, ამსტერდამულმა გრანდმა ჯამში 28-ჯერ იმარჯვა ჩემპიონთა ლიგის პირველ გასვლით მატჩში. 26-ჯერ კი საბოლოოდ შემდგომ ეტაპზეც გავიდა. ვნახოთ, იქნება თუ არა "ტოტენჰემი" რიგით მესამე კლუბი, რომელიც ამ სტატისტიკის გაფუჭებას მოახერხებს.



კომენტარის დასამატებლად გთხოვთ გაიაროთ რეგისტრაცია.

ქართული ამბები

ლორიას გუნდი მე-2 ბუნდესლიგიდან გავარდა

პროგნოზები

დაგვიმეგობრდით