ფირცხალავა: "კვარაცხელია ჩვენი იმედია, ასეთი პროფესიონალი ქართველი არ მინახავს"

16-04-2021, 19:58

გადაცემა "ტაიმაუტში" ცნობილმა მომღერალმა ირაკლი ფირცხალავამ საქართველოს ნაკრებისა და ხვიჩა კვარაცხელიას შესახებ ილაპარაკა.

"ბავშვობაში ფეხბურთელობაზე ვოცნებობდი, მოსკოვის "ლოკომოტივის" საფეხბურთო სკოლაში დავდიოდი, მაგრამ დედამ არ მომისმინა და ვიოლინოზე შემიყვანა. არ მოსწონდა, ფეხბურთელებს ფეხებში რომ არტყამდნენ".

"ახლა ვთამაშობ მსახიობებისა და მომღერლების გუნდში, რომელიც შოუბიზნესის წარმომადგენელთა ჩემპიონატზე გამოდის და ასე ორჯერ გავხდი მსოფლიოს ჩემპიონი", - ამბობს ირაკლი ფირცხალავა.

"ხვიჩა კვარაცხელია ჩვენი იმედია. მოსკოვში ჩამოსვლის დღიდან ვიცნობ და თავიდანვე ეტყობოდა, პროფესიონალი რომ იყო. ასეთი პროფესიონალი ქართველი მე არ მინახავს - ბაზაზე კი არა, მოედანზე ცხოვრობს. თანაც, მნიშვნელოვანია, რომ თავმდაბალი და მორწმუნეა, ფეხბურთი უყვარს. ვისთანაც მუშაობდა, ყველა მწვრთნელს თავი შეაყვარა. ვფიქრობ, რომ წასვლა არ უნდა იჩქაროს, რადგან ახლა გაზრდის შანსი აქვს. თუ "ბარსელონა" ან "მილანი" მიიწვეს, რა თქმა უნდა, უნდა გადავიდეს. ჩემი აზრით, როგორც მოთამაშე მზადაა, რომ წავიდეს", - განაცხადა ფირცხალავამ.

კომენტარის დასამატებლად გთხოვთ გაიაროთ რეგისტრაცია.

პროგნოზები

დაგვიმეგობრდით