SPORT-ის ჟურნალისტი, ფერან კორეირა ირწმუნება, რომ "ბარსელონას" მთავარი მწვრთნელობის კანდიდატთა რიცხვი ერთით შემცირდა.
წყაროს თანახმად, "ბლაუგრანას" პრეზიდენტს, ჟოან ლაპორტას არ სურს, გუნდი სერჟიო კონსეისაუს ჩააბაროს. ამის შესახებ მან კონსეისაუს აგენტსა და თავის ძველ მეგობარს, ჟორჟე მენდეშსაც შეატყობინა.
ლაპორტას უარის მიზეზი ის გახლავთ, რომ პორტუგალიელი სპეციალისტი "პორტუს" კლასიკური 42 ფორმაციით ათამაშებს - დაცვის ხაზში 4 ფეხბურთელი და წინ 2 თავდამსხმელი. ჟოანს "ლურჯ-ბროწეულისფერთა" ტაქტიკურ სქემად ისევ 43-ის დარჩენა უნდა.
მართალია, ხანდახან ჩავიც კი მიმართავდა 42-ს, თუმცა ძირითად განლაგებად მაინც 43 ითვლებოდა. როგორც ჩანს, პრეზიდენტი ამ მოცემულობის შეცვლას არ გაუშვებს.
არადა, 49 წლის მწვრთნელის გადაბირება კლუბისთვის დამატებით ხარჯებთანაც არ იქნებოდა დაკავშირებული, რადგან მას "პორტუსთან" კონტრაქტი სეზონის ბოლოს ეწურება.