ოფიციალურად: "ჩელსიმ" მარკოს ალონსო გაიფორმა

31-08-2016, 21:37

"ჩელსის" ოფიციალური ვებგვერდის ინფორმაციით, კლუბმა იტალიური "ფიორენტინას" ერთ-ერთი საუკეთესო ფეხბურთელი მარკოს ალონსო დაიმატა, რომლის ტრანსფერი ლონდონელთა თავკაც ანტონიო კონტეს დიდი ხანია სურდა და ამის შესახებ საჯაროდაც ხშირად ამბობდა.

ჯერჯერობით, გარიგების ფინანსური დეტალები ოფიციალურად არ დასტურდება, თუმცა ცნობილი პორტალი "ტრანსფერმარკეტი" იუწყება, რომ ფლორენციელებმა 25 წლის მცველის სანაცვლოდ 23 მილიონი ევრო მიიღეს. რაც შეეხება კონტრაქტის ხანგრძლივობას, ფეხბურთელმა თავისი მომავალი "არისტოკრატებთან" 5 წლით დააკავშირა.

"ჩემს კარიერაში ძალიან მნიშვნელოვანი ნაბიჯი გადავდგი. ლონდონში ფეხბურთი ძალიან უყვართ და ვფიქრობ, აქ განვითარების და საკუთარი ნიჭის ბოლომდე გამოვლენის შანსი მექნება. ამასთან, მიხარია, რომ ტიტულების მოგების დროც დამიდგა", - ამბობს ალონსო თავის პირველ ინტერვიუში.

ესპანელმა მცველმა "ფიორენტინას" მაისურით სულ 76 ოფიციალური შეხვედრა ჩაატარა და 2 გოლის გატანა მოახერხა.

კომენტარის დასამატებლად გთხოვთ გაიაროთ რეგისტრაცია.

ქართული ამბები

ჩვენებურებმა ჩემპიონთა ლიგის საგზური გაინაღდეს

პროგნოზები

დაგვიმეგობრდით